ترا نام ہے فصلِ گُل کہ تجھی سے ہیں یہ کرامتیں ۔۔۔۔۔

سعدیہ فیصل کہتی ہیں ’’ ہمارے پاس ہمارا کچھ نہیں سب اس وطن اور اس مٹی کا ہے ، سب کرامتیں اسی دیس سے ہیں ، ہماری صبح ہماری شامیں اور خوشیوں کی تمام خوشبوئیں اسی دیس کی مرہون منت ہیں ۔ ہمارا فن ، ہماری صداقتیں ، ہماری دھڑکنیں ، ہماری چاہتیں سب پیارے پاکستان سے ہیں۔

زندگی میں غمی خوشی کا سلسلہ ساتھ ساتھ چلتا رہتا ہے اس سے گھبرانا یا مایوس نہیں ہونا چاہئے بلکہ حالات کا ڈٹ کر مقابلہ کرنا چاہئے کیونکہ حالات سدا ایک سے نہیں رہتے ہر کٹھن امتحان کے بعد راحت ملتی ہے ۔میں نے تو زندگی سے اب تک یہی سیکھا ہے کہ ہر حال میں خوش رہو ، مثبت سوچ اپنائو اور منفی جذبات رد کرو ۔ رہی بات ملبوسات کی دنیا کی تو آج ’’ دنیا ‘‘ سے ملاقات کے ذریعے میں نے آپ سب کیلئے چند دلفریب رنگوں اور ڈیزائینز کا انتخاب کیا ہے امید ہے آپ کو یہ سب بہت پسند آئیں گے ۔ ‘‘